Misa Crismal halibur nailulik sira atu hametin liu tan unidade entre nailulik sira ho amo Bispo no entre nailulik sira ho nailulik sira seluk. Misa Crismal iha Diocese Maliana iha tinan ida nee monu iha loron quinta, 11 de Abril de 2019 semana ida molok tama Quinta-Santa.
Loron ida antes nailulik hotu nebe hamahan-an iha Diocese Maliana, halao retiro preparação ba festa Páscoa. Pregador ba Retiro nee mak Padre Joel Casimiro OFM. Padre Timor oan ida nebe foin remata nia estudo doutoramento Filosfia iha Roma. Esperto tebes iha ninia matéria retiro, nebe quase loke ami nailulik sira nia neon ho termo filosófico sira, liu-liu atu ami adapta-an no up date ami nia-an ho mundo ohin loron nebe nakonu ho desenvolvimento sciência tecnólogia electrónico. Se lae ema dehan ita nailulik ketinggalan zaman. Ba ida nee Dom Basilio do Nascimento Bispo Diocese Baucau nian pernah fo concelho ba nia nailulik sira dehan : "Nailulik sira nia método pastoral temque dança tuir ritmo mundo ohin loron nian". Katak temque hatene adapta-an ho mundo ho nia desenvolvimento ohin loron.
Iha missa Crismal nee iha momento homilia Dom Norberto do Amaral nu'udar Bispo Maliana fo concelho ba nia nailulik sira dehan nailulik sira ohin loron temque matenek, neon nain iha uso meios comunicação sira nee. Usa tuir nia função nu'udar meios atu halo comunicação ba ema seluk liu-liu ba nia sarani sira iha paroquia nebe nia haknar-an ba.
Nailulik sira ohin loron ema crítica dehan la hanesan ho nailulik sira tempo uluk. Nailulik sira uluk nian lao ba mai liman tahan nunca mamuk. Terço sempre iha sira nia liman no bolsu. Sempre no sempre reza. Nailulik sira ohin loron, lao ba mai telephone iha liman no bolsu. Liman buti tombol telephone la para. Haluha reza terço no breviário bai-bain deit maibe haluha telephone ohin nee tur la metin. La telephone minuto ida hanesan la telephone tinan ida ona. Até sarani balu mai bolu nailulik atu fo mina sarani, sira dehan amo sei nonton bola. Sarani mate saugate. Amo sai hosi residência sarani sira hulan tiha ona mate isin tau iha igreja laran. Sira dehan: "Amo missa no fo benção lai ba ita atan nebe ohin ita la consegue fo mina sarani.
Nailulik sira moris iha mundo ida deit maibe liu hosi fatin no formação nebe la hanesan. Ambiente no formação hirak nee mos mak forma nailulik sira ho carater oin-oin. Carater la hanesan maibe tuir Jesus Cristo ida deit. Ida-idak ho nia carater, lalaok, capacidade, fraquesa no imperfeito. Maibe Jesus hili sira ho fraquesas no imperfeito hirak nee atu sai ida deit iha Nia. Semarang 10 de Maio de 2019. Pe. Valério Gusmão.
No comments:
Post a Comment